వైవాహిక జీవితంలో సమస్యలు రావడం సహజమే. భార్యాభర్తలు ఎన్నో విషయాల వలన గొడవపడుతూ ఉంటారు. ఎప్పుడైతే భార్య భర్తల మధ్య మనస్పర్ధలు ఏర్పడతాయో, అటువంటి సందర్భాలలో మూడో వ్యక్తి జోక్యం అవుతుంది. దాని కారణంగా చాలా శాతం మంది భార్య భర్తలు విడిపోతూ ఉంటారు. ఎప్పుడైతే భార్య భర్తల మధ్య గొడవలు ఎక్కువగా ఉంటాయో, ఇతరులను అసలు ఇన్వాల్వ్ చేయకూడదు. భార్యాభర్తలు ఇంటి విషయాలను ఎప్పుడైతే ఇతరులతో పంచుకుంటారో, గొడవలు మరింత ఎక్కువ అవుతాయి మరియు ఎటువంటి ప్రయోజనం ఉండదు. కనుక మూడో వ్యక్తి రాకుండా ఉండాలంటే తగిన జాగ్రత్తలను తీసుకోవాలి.
ముఖ్యంగా భార్యాభర్తలకు సంబంధించి ఎటువంటి విషయాల గురించి అయినా రహస్యంగా ఉండాలి. తల్లిదండ్రులతో కూడా ఎటువంటి విషయాలను పంచుకోకూడదు. వైవాహిక జీవితంలో చిన్న చిన్న సమస్యలు సహజంగా వస్తూ ఉంటాయి. వాటిని తల్లిదండ్రులతో లేక ఇతరులతో చెప్పడం వలన సమస్యలు పెద్దవి అవుతాయి. కనుక ఇతరుల సలహాలను తీసుకోవడం బదులుగా, భార్య భర్తలు ఇద్దరూ పరీక్షించుకోవడం మేలు. అంతేకాకుండా భాగస్వామి చెప్పిన వ్యక్తిగత విషయాలు గురించి కూడా ఎవరితో పంచుకోకూడదు. రహస్యాలను బయట పెట్టడం వలన ఎన్నో సమస్యలు ఎదురవుతాయి.
పైగా దీనివలన నమ్మకం కూడా దెబ్బతింటుంది. దీంతో మీ బంధం పై ప్రభావం పడుతుంది. ఆర్థిక సమస్యలు వలన కూడా భార్యాభర్తల మధ్య గొడవలు తరచుగా వస్తూ ఉంటాయి. ఆర్థిక బలహీనతలను ఇతరులకు చెప్పడం వలన భార్య భర్తల మధ్య గొడవలు మరింత ఎక్కువగా ఉంటాయి. అంతేకాకుండా, ఒకరి లోపాలను ఇతరులతో చెప్పడం వలన వైవాహిక జీవితంలో సమస్యలు మరింత ఎక్కువ అవుతాయి. ముఖ్యంగా తల్లిదండ్రులు లేక ఇతరులతో మీ భాగస్వామికి సంబంధించిన లోపాలను తెలియజేయడం వలన మీ బంధం బలహీనంగా మారుతుంది. కనుక, ఎటువంటి సమస్యలు ఎదురైనా ఇటువంటి పొరపాట్లను చేయకుండా ఉండాలి. దీంతో ఎంతో సంతోషంగా భార్య భర్తలు కలిసి జీవిస్తారు.
