అరుణ్ మాతేశ్వరన్ దర్శకత్వంలో కోలీవుడ్ స్టార్ హీరో ధనుష్ నటించిన పాన్ ఇండియా మూవీ కెప్టెన్ మిల్లర్. సంక్రాంతి కానుకగా ఇప్పటికే తెలుగులో పలు చిత్రాలు విడుదల కావడంతో థియేటర్ల కొరత వలన ఈ చిత్రాన్ని తెలంగాణ, ఏపీలో రిలీజ్ చేయలేదు. సెన్సార్ పనులు పూర్తిచేసుకున్న ఈ సినిమా కి యు/ఏ సర్టిఫికెట్ వచ్చింది. కెప్టెన్ మిల్లర్ చిత్రం తెలుగులో ఈనెల 25న ప్రేక్షకుల ముందుకు రానుంది.ఈ సినిమాలో ప్రియాంకామోహన్, శివ రాజ్కుమార్, సందీప్ కిషన్ తదితరులు కీలకపాత్ర పోషిస్తున్నారు.జనవరి 25న సాయంత్రం తెలంగాణ , ఆంధ్ర ప్రదేశ్ రాష్ట్రాల్లో ఎంపిక చేయబడ్డ థియేటర్లలో కెప్టెన్ మిల్లర్ స్పెషల్ ప్రీమియర్‌ ఉండనున్నట్టు ప్రకటించారు.
ఈ సినిమాని తెలుగులో సురేశ్‌ ప్రొడక్షన్స్‌, ఏసియన్ సినిమాస్‌ గ్రాండ్‌గా రిలీజ్ చేస్తున్నాయి.జీవీ ప్రకాశ్‌ కుమార్‌ సంగీతాన్ని అందించాడు. కెప్టెన్ మిల్లర్ ఇప్పటికే తమిళనాడుతోపాటు కేరళ, కర్ణాటక, ఓవర్సీస్‌లో తన సత్తా చాటుతూ వసూళ్ల వర్షం కురిపిస్తోంది.
