మునుగోడు లో నిన్న పోలింగ్ ముగిశాక ఈవీఎంలను తీసుకెళ్తున్న బస్సును కొంతమంది వెంబడించడం కలకలం రేపుతోంది. నల్గొండకు వెళ్తుండగా కారులో కొంతమంది ఫాలో అయ్యారు. బస్సు అంటే కారు వస్తుండటంతో పోలీసులు అప్రమత్తమై ఆ వాహనాన్ని పట్టుకునేందుకు కిందకు దిగారు.
దీంతో అలర్ట్ అయిన ఆ నిందితులు.. ఆ వాహనాన్ని అక్కడే వదిలి అక్కడి నుంచి పారిపోయారు. ఈ నిందితులు ఐదుగురు ఉన్నట్లు పోలీసులు గుర్తించారు. అనంతరం వారి వాహనాన్ని సీజ్ చేశారు పోలీసులు. ఆ నిందితులు ఈవీఎంలను ఎత్తుకెళ్లడానికి వచ్చారని పోలీసులు అలాగే స్థానికులు భావిస్తున్నారు. కాగా మునుగోడు ఉప ఎన్నికల పోలింగ్.. 93.13 శాతంగా నమోదైంది. మొత్తం ఓట్లు 2,41,805, పోలైన ఓట్లు 2,25,192.. పోలైన పోస్టల్ ఓట్లు 686 పడినట్లు అధికారులూ తెలిపారు.
