మద్యం మత్తులో దొంగతనానికి వచ్చిన వ్యక్తి.. ఏం చేశాడంటే?

మద్యం మత్తులో దొంగతనానికి వచ్చిన వ్యక్తి ఒక్కసారిగా ఫ్లై ఓవర్ మీద నుంచి కిందకు దూకేశాడు. ఈ ఘటనలో ఆ వ్యక్తి కి తీవ్ర గాయాలు అయినట్లు తెలుస్తోంది.హైదరాబాద్ – ఫలక్‌నుమాకు చెందిన రాములు (55) అనే వ్యక్తి మంగళవారం మధ్యాహ్నం దాదాపు రెండు గంటల సమయంలో మద్యం సేవించి అంబర్‌పేట శ్రీ రమణ చౌరస్తా సమీపంలో నిర్మాణంలో ఉన్న ఫ్లైఓవర్ వద్ద ఉన్న ఇనుప రాడ్లు దొంగతనం చేయడానికి వచ్చినట్లు సమాచారం.

అయితే, రాడ్లు దొంగతనం చేస్తుండగా నిర్మాణ కూలీలు అది గమనించి కేకులు వేయడంతో కంగారుపడిన రాములు ఫ్లైఓవర్ పైనుంచి కిందికి దూకాడు. ఈ ఘటనలో అతనికి తీవ్ర గాయాలు కావడంతో చికిత్స నిమిత్తం పోలీసులు ఉస్మానియా ఆసుపత్రికి తరలించారు. అనంతరం ఈ దొంగతనం కేసులో అతన్ని పోలీసులు విచారించినట్లు తెలుస్తోంది.