మనాలి, లే మధ్య దూరాన్ని తగ్గించడానికి కేంద్ర ప్రభుత్వం నిర్మించిన అటల్ టన్నెల్ లో వరుస ప్రమాదాలు జరుగుతున్నాయి. 46 కిలోమీటర్ల ప్రయాణ సమయాన్ని నాలుగైదు గంటలు తగ్గించే ఆల్-వెదర్ అటల్ టన్నెల్‌ను అక్టోబర్ 3 న ప్రధాని నరేంద్ర మోడీ ప్రారంభించారు. సొరంగం తెరిచినప్పటి నుండి అనేక ప్రమాదాలు జరుగుతున్నాయి. నిర్లక్ష్యంగా డ్రైవింగ్ చేయడంతో ఈ ప్రమాదాలు చోటు చేసుకుంటున్నాయి.
హిమాచల్‌ లో కొత్త టూరిస్ట్ హాట్‌ స్పాట్‌ గా మారిన ఇంజనీరింగ్ అద్భుతంలో ఇప్పటికే మూడు రోజుల్లో మూడు ప్రమాదాలను చూసినట్లు జాతీయ మీడియా పేర్కొంది. బోర్డర్ రోడ్స్ ఆర్గనైజేషన్ (బిఆర్ఓ) మరియు జిల్లా అధికారులు, వందలాది మంది పర్యాటకులు మరియు వాహనదారులు అతివేగంగా మరియు రేసింగ్‌ తో కొత్త సమస్యలను ఎదుర్కొంటున్నారని నివేదిక పేర్కొంది. అక్టోబర్ 3 న ప్రధానమంత్రి టన్నెల్ ప్రారంభించిన ఒకే రోజులో మూడు ప్రమాదాలు సంభవించాయి. సేల్ఫీలు క్లిక్ చేయడం కూడా ప్రమాదంగా మారింది.
