ప్రముఖ సినీ, టీవీ సీరియల్ నటి తునీషా శర్మ(20) ఆత్మహత్య చేసుకుంది. ముంబైలో ఓ షూటింగ్ సెట్లోని మేకప్ రూమ్లో ఉరేసుకుంది. ఆస్పత్రికి తరలించగా, అప్పటికే ఆమె మృతి చెందినట్లు వైద్యులు తెలిపారు. తునీషా శర్మ ఆత్మహత్యకు కారణాలు తెలియరాలేదు. సమాచారం అందుకున్న పోలీసులు కేసు నమోదు చేసి దర్యాప్తు ప్రారంభించారు. తనీషా మృతదేహాన్ని పోస్టుమార్టానికి తరలించారు. యువ నటి ఆత్మహత్య చేసుకోవడంతో ఇండస్ట్రీలో విషాదం అలుముకున్నది. తునీషా శర్మ చైల్డ్‌ ఆర్టిస్ట్‌గా కెరీర్‌ను ప్రారంభించింది.
‘భారత్ క వీర్ పుత్ర మహారాణా ప్రతాప్’ సీరియల్‌లో తొలిసారి నటించింది. ప్రస్తుతం సోనీ సబ్‌ టీవీలో ‘అలీ బాబా : దస్తాన్-ఎ-కాబూల్’లో కీలక పాత్రను పోషిస్తున్నది. ఈ సీరియల్‌లో షహజాది మరియమ్‌ పాత్రలో నటిస్తున్నది. ఫితూర్, బార్ బార్ దేఖో, కహానీ 2: దుర్గా రాణి సింగ్, దబాంగ్-3 చిత్రాలలో కూడా కనిపించింది. ఫితూర్, బార్ బార్ దేఖోలో, తనీషా కత్రినా కైఫ్.. టీనేజ్ పాత్రను పోషించింది. ‘ఇంటర్నెట్ వాలా లవ్’ సీరియల్‌లో తునీషా పాత్ర బాగా అందరినీ ఆకట్టుకున్నది.
