కాంగ్రెస్ అగ్రనేత రాహుల్‌గాంధీ చేపట్టిన భారత్ జోడో యాత్ర హైదరాబాద్లో ఉత్సాహంగా సాగుతోంది. నేడు శంషాబాద్ మాతా ఆలయం నుంచి ప్రారంభమైన యాత్ర జీహెచ్ఎంసీ పరిధిలోకి ప్రవేశించి గగన్పహాడ్కు చేరుకొని, అక్కడి నుంచి ఏజీ కాలేజ్ మీదగా ఆరామ్ఘర్వైపు సాగింది. ఈ పాదయాత్రలో కాంగ్రెస్ పార్టీ సీనియర్ నాయకుడు జైరాం రమేశ్తో పాటు రాష్ట్ర నాయకులు, పార్టీ శ్రేణులు, ప్రజలు, అభిమానులు పాల్గొన్నారు. తాడ్ బన్ లెగెసి ప్యాలెస్ చేరుకున్న రాహుల్ గాంధీ మధ్యాహ్నం వరకు ప్యాలెస్లోనే విశ్రాంతి తీసుకోనున్నారు. తరవాత సాయంత్రం 4 గంటలకు పురాణాపూల్ నుంచి పాదయాత్రను మళ్లీ మొదలు పెట్టనున్నారు.
రాత్రి 7 గంటలకు నెక్లెస్ రోడ్డు చేరుకోనున్న రాహుల్.. అక్కడ జరగనున్న కార్నర్ మీటింగ్‌లో ప్రసంగించనున్నారు. ఇందుకోసం రాష్ట్ర కాంగ్రెస్ శ్రేణులు భారీ ఏర్పాట్లు చేశారు. ఇవాళ రాహుల్‌గాంధీ యాత్రలో ఏఐసీసీ అధ్యక్షుడు మల్లికార్జున ఖర్గే పాల్గొనున్నారు. ఇవాళ మధ్యాహ్నం 12.20 గంటలకు హైదరాబాద్ రానున్న ఖర్గే.. సాయంత్రం 4 గంటలకు రాహుల్తో కలిసి జోడో యాత్రలో పాల్గొననున్నారు. ఆ తర్వాత రాత్రి 7 గం.కు నెక్లెస్ రోడ్‌లో నిర్వహించనున్న భారత్ జోడో కార్నర్ మీటింగ్కు హాజరవనున్నారు.
