ఆంధ్రప్రదేశ్ లో అధికారం చేపట్టిన కూటమి ప్రభుత్వం కొత్త ఎయిర్ పోర్టుల నిర్మాణం పై దృష్టి సారించింది. రాష్ట్రంలో ఆరు చోట్ల ఎయిర్ ఫోర్టుల నిర్మాణానికి ప్రభుత్వం ప్రతిపాదనలు సిద్దం చేసింది. ఆ మేరకు నిధులు కూడా కేటాయించింది. ఫిజిబిలిటి అధ్యయనం కోసం ప్రభుత్వం రూ.1.92కోట్లను విడుదల చేసింది. కుప్పం, శ్రీకాకుళం, నాగార్జున సాగర్, ఒంగోలు, తాడెపల్లిగూడెం, తుని-అన్నవరం ప్రాంతాలలో ఎయిర్ ఫోర్టులు నిర్మించాలని ఏపీ ప్రభుత్వం భావిస్తోంది.
కుప్పంలో 1,501 ఎకరాలు, నాగార్జున సాగర్ సమీపంలో 1,670 ఎకరాలు, తాడేపల్లిగూడం వద్ద 1,123 ఎకరాలు, శ్రీకాకుళం జిల్లా పలాస వద్ద 1,383 ఎకరాలు, ఒంగోలులో 657 ఎకరాలు, తుని-అన్నవరం 787 ఎకరాల భూమిని ప్రభుత్వం గుర్తించింది. నిధులను కేటాయించిన నేపథ్యంలో సాధ్యమైనంత త్వరగా ఫీజిబిలిటీ అధ్యయనం పూర్తి చేయాలని ఏపీ ఎయిర్ పోర్టు డెవలప్ మెంట్ కార్పొరేషన్ ఎండీని ఆదేశించింది.
