వైసీపీకి ఇంకా 87 రోజులే.. కౌంట్ డౌన్ ప్రారంభమైంది..లెక్క పెట్టుకోండి అంటూ హెచ్చరించారు టీడీపీ చీఫ్‌ చంద్రబాబు నాయుడు. ఇవాళ భోగి మంటలు అంటించిన చంద్రబాబు, పవన్ కళ్యాణ్..అనంతరం జీవో కాపీలను భోగి మంటల్లో తగులబెట్టారు . ఈ సందర్భంగా చంద్రబాబు మాట్లాడారు. దేవతల రాజధానిని రాక్షసులు చెరపట్టినట్టు.. అమరావతిని వైసీపీ చెరబట్టిందని….అమరావతే మన రాజధాని.. త్వరలో ఇక్కడ నుంచే పేదల పాలన మొదలు కాబోతోందని వెల్లడించారు టీడీపీ చీఫ్‌ చంద్రబాబు నాయుడు.
ఇక్కడే రాజధాని ఉంటుందని టీడీపీ – జనసేన భరోసా ఇస్తున్నామన్నారు. సంక్రాంతి రోజున అంగన్వాడీలను రోడ్డున పడేశాడని ఆగ్రహించారు. యునతకు ఉపాధి కల్పించేలా టీడీపీ – జనసేన పార్టీ భరోసా ఇస్తుందని.. ప్రతి ఒక్కరికీ అండగా నిలిచే బాధ్యత మా రెండు పార్టీలదేనని స్పష్టం చేశారు చంద్రబాబు నాయుడు. కరవు మండలాలను కూడా పట్టించుకోకుండా కేంద్ర సాయం కూడా రాకుండా చేస్తోంది ఈ ప్రభుత్వం అంటూ విరుచుకుపడ్డారు చంద్రబాబు నాయుడు.
