జనసేన అధినేత పవన్ కళ్యాణ్ పై మాజీ మంత్రి వెల్లంపల్లి శ్రీనివాస్ తీవ్రస్థాయిలో ధ్వజమెత్తారు. ప్రజల సానుభూతి కోసమే చంద్రబాబు, పవన్ కళ్యాణ్ లు పడరాని పాట్లు పడుతున్నారని మండిపడ్డారు. రెండు చోట్ల ఓడిపోయిన పవన్ కళ్యాణ్ తో మాకు పోటీనా. ? ఎక్కడ పోటీ చేస్తారో తెలియని ఆయన గురించి ఎవరైనా ఆలోచిస్తారా..? అని ప్రశ్నించారు వెల్లంపల్లి శ్రీనివాస్. ఇక నిన్న నందిగామలో చంద్రబాబుపై రాళ్లదాడి జరిగిన విషయం తెలిసిందే.
ఈ దాడిలో చంద్రబాబు, చీఫ్ సెక్యూరిటీ అధికారి మధు గాయపడ్డారు. రాయి విసిరిన సమయంలో విద్యుత్ సరఫరా కూడా నిలిచిపోయింది. పోలీసుల భద్రతా వైఫల్యం పై చంద్రబాబు ఆగ్రహం వ్యక్తం చేశారు. ఈ ఘటనపై కూడా స్పందించారు మాజీ మంత్రి వెల్లంపల్లి. వారిపై వాళ్లే రాళ్లు వేయించుకొని సానుభూతి కోసం ప్రయత్నిస్తున్నారని విమర్శించారు. ప్రజల సానుభూతి కోసం చంద్రబాబు పడరాని పాట్లు పడుతున్నారని ఎద్దేవా చేశారుు.
