ఈ మధ్య కాలంలో నిత్యం అగ్ని ప్రమాదాలు చోటు చేసుకుంటున్నాయి. వేసవికాలంలో మాదిరిగానే వర్షాకాలంలో కూడా అగ్ని ప్రమాదాలు చోటు చేసుకోవడం గమనార్హం. ముఖ్యంగా విశాఖ పట్టణంలో ఇక ప్రత్యేకంగా చెప్పాల్సిన అవసరమే లేదు. విశాఖలో వరుస అగ్ని ప్రమాదాలు చోటు చేసుకుంటున్నాయి. అయితే దీనిపై తక్షణమే సేఫ్టీ ఆడిట్ పూర్తి చేయాలని GVMC కమిషనర్ ఆదేశించారు.
ఓవైపు వరుస ప్రమాదాలతో ఆసుపత్రుల్లో అగ్గి రాజుకుని పరుగులు పెట్టిస్తుంటే..ఇప్పుడు బీచ్ రోడ్డులో భారీ ప్రమాదం తృటిలో తప్పింది. డైనో పార్క్ రేస్టో కేఫ్ కాలి బూడిద అయింది. ఈ ప్రమాదాలకు విద్యుత్ షార్ట్ సర్క్యూట్ , నిర్వహణ లోపాలు కారణంగా గుర్తించారు అధికారులు. ఈ ప్రమాదానికి ప్రాథమికంగా షార్ట్ సర్క్యూట్ కారణంగా నిర్ధారించారు. ఈ ప్రమాదం పై రీజనల్ ఫైర్ ఆఫీసర్ నిరంజన్ రెడ్డి ఆధ్వర్యంలో మంటలను ఆర్పేందుకు ప్రయత్నిస్తున్నారు. ఇటీవలే సెవెన్ హిల్స్ ఆసుపత్రిలో 5వ అంతస్తులో భారీ అగ్ని ప్రమాదం సంభవించడం తెలిసిందే. విశాఖలోనే ఇలా అగ్ని ప్రమాదాలు ఎందుకు చోటు చేసుకుంటున్నాయనేది అంతు చిక్కడం లేదు.
