ఆంధ్ర ప్రదేశ్‌ రాష్ట్ర విద్యార్థులకు జగన్ సర్కార్‌ అదిరిపోయే శుభవార్త అందించింది. జగనన్న విద్యా దీవెన పథకం విడుదల తేదీ ఖరారైంది. ఈ నెల 28వ తేదీన చిత్తూరు జిల్లా నగరిలో ఈ పథకం మూడవ క్వార్టర్ అమౌంట్ ను బటన్ నొక్కి నేరుగా విడుదల చేయనున్నారు సీఎం జగన్.
ఈ పథకం కింద ఐటిఐ, పాలిటెక్నిక్, డిగ్రీ, ఇంజనీరింగ్, మెడిసిన్ ఫీజులను విద్యార్థుల తల్లుల ఖాతాల్లో ప్రభుత్వం జమ చేస్తోంది. ఈ పర్యటన అనంతరం జరిగే సభలో సీఎం జగన్ ప్రసంగించనున్నారు. కాగా, AP వైద్యవిధాన పరిషత్ ఆసుపత్రుల్లో 14 స్పెషాలిటీల్లో…300 సివిల్ అసిస్టెంట్ సర్జన్ స్పెషలిస్ట్ పోస్టుల భర్తీకి నోటిఫికేషన్ విడుదల అయింది. ఈ పోస్టుల కోసం గుంటూరు జిల్లా తాడేపల్లిలోని డైరెక్టర్ ఆఫ్ సెకండరీ హెల్త్ ఆఫీసులో… వచ్చేనెల 5, 7, 10 తేదీల్లో ఇంటర్వ్యూలను నిర్వహించనున్నారు. జనరల్ మెడిసిన్, జనరల్ సర్జరీ, డెర్మటాలజీ, మైక్రోబయాలజీ, గైనకాలజీ సహా ఇతర పోస్టులను భర్తీ చేయనున్నారు.
