CM అవుతానని పార్టీ పెట్టిన పవన్ కళ్యాణ్…. జగన్ దెబ్బకు MLA కావడమే లక్ష్యంగా పెట్టుకున్నారని మాజీ మంత్రి కొడాలి నాని విమర్శించారు. ‘బిజెపిని కలుపుకున్న ఎమ్మెల్యే అయ్యే పరిస్థితిలో లేడు. హీరోయిన్లు నవనీత్ కౌర్, సుమలత కూడా ఎంపీలుగా గెలిచారు. పవన్ కోరిక అసెంబ్లీలో అడుగుపెట్టడం, చంద్రబాబు కోరిక ప్రతిపక్ష నేత కావడం. జగన్ ను ముఖ్యమంత్రి పీఠం నుంచి కదిపే దమ్ము ఎవడికీ లేదు’ అని స్పష్టం చేశారు.
చంద్రబాబుకు కొడాలి నాని ఛాలెంజ్ విసిరారు. చంద్రబాబు మగాడు అయితే గుడివాడ నుండి పోటీ చేయాలని సవాల్‌ చేశారు. గుడివాడలోని టిడ్కో గృహాల సముదాయం ప్రాంగణంలో వైఎస్ రాజశేఖరరెడ్డి విగ్రహాన్ని ఆవిష్కరించారు సీఎం జగన్. అనంతరం కొడాలి నాని మాట్లాడుతూ, గుడివాడ నియోజకవర్గంలో ఇళ్ళ పట్టాల కోసం బాబు ఒక ఎకరం ఇచ్చినట్లు నిరూపించినా నేను రాజకీయ సన్యాసం తీసుకుంటానని ప్రకటించారు కొడాలి నాని.
