ఏదైనా వ్యాపారంలో నష్టం వచ్చినపుడు, లేదా ఏదేని విషయంలో పరాజయం ఎదురైనపుడు.. నాకు తెలివి ఉందా అన్న ప్రశ్న ప్రతీ ఒక్కరికి తెలెత్తుతుంది. తమ తెలివి మీద తమకే సందేహం వస్తుంది. తెలివి విషయంలో సందేహ పడాల్సిన పనిలేదు. మీలోని కొన్ని లక్షణాలు మీరు తెలివిమంతులే అని చెబుతాయి.
ఆ లక్షణాలు ఏంటంటే..?
అబ్సర్వేషన్:
తెలివైన వాళ్ళు అవతలి మనిషి చిన్న చిన్న విషయాలను బాగా గమనిస్తారు. కొత్తగా కలిసిన వాళ్ళను పూర్తిగా స్కాన్ చేస్తారు. ఈ అబ్సర్వేషన్ తో అవతలి వాళ్ళ పొరపాట్ల నుండి జీవిత పాఠాలు నేర్చుకుంటారు.
ఏకాంతం కోరుకుంటారు:
తెలివైన వాళ్ళు తరచుగా ఒంటరిగా సమయం గడపడాన్ని ఇష్టపడతారు. ఈ సమయంలో జీవితంలో జరుగుతున్న విషయాల మీద ఆలోచిస్తుంటారు.
కుతూహలం ఎక్కువ:
క్యూరియాసిటీ ఎక్కువగా ఉంటుంది. కొత్త విషయాలను తెలుసుకోవడంలో, నేర్చుకోవడంలో ఆసక్తి చూపిస్తారు. వీళ్లకి కుతూహలం పీక్స్ లో ఉంటుంది.
వేరు వేరు కోణాల్లో అలోచించడం:
ఒక విషయాన్ని అందరు చూసే దృష్టి కోణంలో కాకుండా మరో రకంగా తెలివైన వాళ్ళు చూస్తారు. కాయిన్ కి మరోవైపు కూడా ఉంటుందని వీళ్ళకు స్పష్టంగా తెలుసు. అందుకే దేన్నయినా సులభంగా నమ్మరు.
స్పాంటేనియిటీ ఎక్కువ:
తెలివైన వాళ్ళకు స్పాంటేనియిటీ ఎక్కువ. వీళ్ళు మాటలతో మాయ చేయగలరు. తమ తెలివితో సులభంగా ఇతరులను నవ్వించగలరు.
