ఎగ్జిట్ పోల్స్ అంచనాలు వైసీపీకి అనుకూలంగా ఉన్నాయని ఆ పార్టీ సీనియర్ నేత సజ్జల రామకృష్ణా రెడ్డి అన్నారు. ఈ క్రమంలో అంచనాలను మించి జూన్ 4న వైసీపీకి మంచి ఫలితాలు వస్తాయని ధీమా వ్యక్తం చేశారు. అయితే ఈ సారి ఏపీలో భారీగా సైలెంట్ ఓటింగ్ జరిగిందన్నారు. ఐదేళ్లలో అమలు చేసిన పథకాల ద్వారా లబ్దిపొందిన మహిళలు, ఇతర వర్గాలు మరోసారి వైసీపీకి అండగా నిలిచారని చెప్పారు.
సీఎంగా జగన్ ఉంటేనే మంచి జరుగుతుందని ఆయా వర్గాలు భావించాయన్నారు. ఎగ్జిట్ పోల్స్ ఇవే విషయాలను స్పష్టం చేశాయన్నారు. ఇక చంద్రబాబు కూటమి అసాధ్యమైన హామీలు ఇచ్చిందని మండిపడ్డారు. తాము ఎక్కడా విద్వేష ప్రసంగాలు గానీ, రెచ్చగొట్టే వ్యాఖ్యలు గానీ చేయలేదన్నారు. ఒంటరిగా పోటీ చేయలేని తెలుగుదేశం కూడా.. జగన్ ను ఓడిస్తామని బీరాలు పలికిందన్నారు
