మొన్న ఇండొనేషియా వచ్చిన బృందంతో సన్నిహితంగా మెలిగిన వ్యక్తికి కరోనా పాజిటివ్‌గా నిర్ధారణ అయింది. దీంతో తెలంగాణలో నేటికి పాజిటివ్‌ కేసులు 27కు పెరిగాయి.నిజానికి ఈ వ్యక్తిని ఆదేరోజు పోలీసులు అరెస్ట్‌ చేయగా, మూడురోజుల క్రితం బెయిల్‌పై విడుదలై మళ్లీ జనంలోకి వచ్చాడు. ఈరోజు అతన్ని వెతికి పట్టుకుని పరీక్షలు చేయగా, పాజిటివ్‌గా తేలింది. అతన్ని గాంధీ ఆసుపత్రికి తరలించారు.
ఈ మూడు రోజులు అతను ఎక్కడెక్కడ తిరిగాడో, ఎవరెవరిని కలిసాడో ప్రభుత్వాధికారులు ఆరా తీస్తున్నారు. ఈ సంఘటనతో కరీంనగర్‌ మళ్లీ భయం గుప్పిట్లోకి వెళ్లిపోయింది.కాగా, తెలంగాణలో ఇది రెండో లోకల్‌ కాంటాక్ట్‌ కేసుగా నమోదయింది. హైదరాబాద్‌లో మొన్న దుబాయి నుంచి వచ్చిన వ్యక్తి ద్వారా అతని కొడుక్కి సంక్రమించడంతో మొదటి కాంటాక్ట్‌ కేసుగా నమోదయింది.
