సీఎం రేవంత్ రెడ్డి పుట్టిన రోజు సందర్భంగా ఆయనకు పలువురు ప్రముఖులు, రాజకీయ నాయకులు, సినీ ప్రముఖులు సైతం శుభాకాంక్షలు చెబుతున్నారు. దేశవిదేశాల్లోని కాంగ్రెస్ మద్దతుదారులు సైతం రేవంత్‌కు విషెస్ తెలుపుతున్నారు. తాజాగా ఆంధ్రప్రదేశ్ డిప్యూటీ సీఎం, జనసేన అధినేత పవన్ కల్యాణ్ సోషల్ మీడియా ఫ్లాట్‌ఫాం ‘ఎక్స్’ వేదికగా రేవంత్ రెడ్డికి శుభాకాంక్షలు తెలిపారు.
‘ఆ భగవంతుడు మీకు మంచి ఆరోగ్యం, దీర్ఘాయువు ప్రసాదించాలని తెలంగాణ రాష్ట్రాన్ని మరింత సుభిక్షం వైపు నడిపించే శక్తి ప్రసాదించాలని ఆకాంక్షించారు.మరో వైపు సీఎం రేవంత్ రెడ్డికి ప్రధాని నరేంద్ర మోడీ, ఏపీ సీఎం చంద్రబాబు నాయుడుతో పాటు కేంద్ర మాజీ మంత్రి చిరంజీవి తదితరులు శుభాకాంక్షలు తెలిపారు. ఇదిలాఉండగా, బర్త్ డే సందర్భంగా శుక్రవారం యాదగిరిగుట్టలోని లక్ష్మినరసింహ స్వామిని ముఖ్యమంత్రి కుటుంబసమేతంగా దర్శించుకున్నారు.
