రొమాన్స్.. దీని నిర్వచనం ఒక్కొక్కరికీ ఒక్కోలా ఉంటుంది. కొందరు ప్రశాంతంగా మౌనంగా ఉండడమే రొమాన్స్ అనుకుంటారు. మరికొందరు సముద్రపు ఒడ్డున ఏకాంతంగా నడుచుకుంటూ వెళ్లడమే రొమాన్స్ అనుకుంటారు. ఇంకొందరు తన ప్రేయసి ఒడిలో తలదాచుకోవడమే రొమాన్స్ అనుకుంటారు. దాని నిర్వచనం ఏదైనా అది ఇచ్చే ఆనందం మాత్రం అద్భుతం. అందుకే తన భాగస్వామి మీరు చాలా రొమాంటిక్ అని చెప్తే ఉబ్బితబ్బిబ్బైపోతారు. ఐతే రొమాన్స్ అనేది రాశుల మీద కూడా ఆధారపడి ఉంటుందట. ఏ ఏ రాశుల వారు ఎంత రొమాంటిక్ గా ఉంటారో ఇక్కడ చూద్దాం.
మీనం
చేప మైండ్ లోకి రాగానే మనకి నీళ్ళే గుర్తొస్తాయి. మీన రాశి వారు అవతలి వారి పట్ల చాలా సున్నితంగా ఉంటారు. మరీ ముఖ్యంగా వారు ప్రేమించిన వారిని జాగ్రత్తగా చూసుకుంటారు. ప్రేమించిన వారి ప్రతీ చిన్న విషయాన్ని కూడా గుర్తుంచుకుంటారు. మీరు ప్రేమించినవరు మీన రాశివారయితే, మిమ్మల్ని ఉత్సాహ పర్చడంలో వారు ముందుంటారు. ముఖ్యంగా మీరు బాగా నిరాశలో కూరుకుపోయినపుడు. అందరూ మిమ్మల్ని వదిలేసిన మిమ్మల్ని ప్రేమించినవారు మాత్రం మీతోనే ఉంటారు.
కర్కాటకము
ఈ రాశి వారు తాఅము ప్రేమించిన వారిపట్ల చాలా నిజాయితీతో ఉంటారు. ఎట్టి పరిస్థితుల్లోనూ వారిని వదులుకోవడానికి ఇష్టపడరు. బంధంలో ఉన్నప్పుడు తమ భాగస్వామి ఇష్టాఇష్టాలను ఎల్లప్పుడూ గుర్తుంచుకుంటారు. తమ భాగస్వామికి ఏదైనా చెప్పాల్సి వచ్చినపుడు అస్సలు సంకోచించరు. అలాగే భాగస్వామి చెప్పే విషయాన్ని చాలా శ్రద్ధగా వింటారు.
వృషభం
వృషభ రాశివారు తమ భాగస్వామి కోసం ఎంత దూరం వెళ్లడానికైనా సిద్ధంగా ఉంటారు. ఖరీదైన బహుమతులు అందించాలని చూస్తారు. తమ జీవితంలో అత్యంత ముఖ్యమైన వారిలో మొదటి స్థానంలో భాగస్వామిని ఉంచుతారు.
కన్య
రొమాన్స్ విషయానికి వస్తే కన్య రాశి వారు చాలా ప్రత్యేకంగా ఉంటారు. రిలేషన్ షిప్ లో తమ భాగస్వామి కోసం తమ కోరికలలని కూడా వదిలేస్తారు. వారి ప్రేమను వ్యక్తపరిచే విధానం చాలా గమ్మత్తుగా ఉంటుంది. మీ గది శుభ్రంగా లేకపోతే వారే శుభ్రపరుస్తారు. ఆ విషయం మీతో కూడా చెప్పరు. భాగస్వామితో బయటకి వెళ్ళేటపుడు అన్ని పనులు చాలా చక్కగా చూసుకుంటారు.
సింహ రాశి
సింహరాశి వారు ప్రేమ పట్ల చాలా పాషన్ తో ఉంటారు. తమ భాగస్వామికి బహుమతులు అందించి సర్పైజ్ ఇవ్వడంలో ముందుంటారు. మీ లవర్ సింహరాశి వారైతే మీరు చాలా అదృష్టవంతులన్నమాట.
