డ్రగ్స్ కేసు అప్డేట్..షారుఖ్ కొడుకు చుట్టూ బిగుస్తున్న ఉచ్చు..!

బాలీవుడ్ పరిశ్రమ లో మరోసారి డ్రగ్స్ కలకలం రేగింది. సముద్రం మధ్యలో క్రూయిజ్ నౌకలో జరిగిన ఓ పార్టీలో డ్రగ్స్ వాడుతున్నట్టు పోలీసులకు పక్కా సమాచారం అందింది. దాంతో దాడి చేసిన పోలీసులు పలువురు ప్రముఖులను అదుపులోకి తీసుకున్నారు. పోలీసులు అరెస్టు చేసిన వారిలో బాలీవుడ్ బాద్షా షారుక్ ఖాన్ కుమారుడు కూడా ఉన్నారు. ఈ పార్టీలో భారీగా డ్రగ్స్ వాడినట్టు అధికారులు గుర్తించారు. షారుఖ్ ఖాన్ కుమారుడితో పాటు పలువురు ప్రముఖులను అదుపులోకి తీసుకొని విచారిస్తున్నారు.విచారణలో సంచలన విషయాలు బయటకు వస్తున్నాయి. ముఖ్యంగా షారుఖ్ ఖాన్ కుమారుడి ఉచ్చు బిగుస్తోంది. గత నాలుగేళ్లుగా షారుఖ్ కొడుకు డ్రగ్స్ తీసుకున్నట్లు అధికారులు గుర్తించారు. అధికారులు విచారించే క్రమంలో ఆర్యన్ ఖాన్ కన్నీళ్లు పెట్టుకున్నాడు. ఇక ఆర్యన్ ఖాన్ కు డ్రగ్స్ ప్లెడ్లర్ లతో ఉన్న సంబంధాల పై అధికారులు ఆరా తీస్తున్నారు. ఆర్యన్ తో పాటు ఈ కేసులో ఉన్న మరి కొందరు ప్రముఖులను కూడా ఎన్సీబి అధికారులు విచారిస్తున్నారు.