తెలంగాణలో మరో ఏడాదిన్నర తరువాత ఎన్నికలు ఉండనున్నాయి. అయితే ఇప్పటికే తెలంగాణలో రాజకీయ వాతావరణం వేడెక్కింది. పార్టీల మధ్య విమర్శలు, ప్రతి విమర్శలు చోటు చేసుకుంటున్నాయి. అధికార టీఆర్ఎస్ పార్టీని ఇటు బీజేపీ, అటు కాంగ్రెస్ పార్టీలు విమర్శిస్తున్నాయి. అధికార టీఆర్ఎస్ పార్టీ కూడా అంతే స్థాయిలో కౌంటర్ ఇస్తోంది. ఇదిలా ఉంటే బీజేపీ పార్టీ తెలంగాణపై భారీగానే ఆశలు పెట్టుకుంది. తెలంగాణలో బీజేపీ అధికారంలోకి తీసుకువచ్చేలా ప్రయత్నాలు చేస్తోంది. ఓ వైపు బండి సంజయ్ ప్రజా సంగ్రామ యాత్రతో రాష్ట్రంలో పాదయాత్ర చేస్తున్నారు. 
