నందమూరి బాలకృష్ణ మరియు డైరెక్టర్ అనిల్ రావిపూడి కాంబినేషన్ లో మొట్టమొదటి సారి తెరకెక్కిన మూవీ “భగవంత్ కేసరి” గత వారమే థియేటర్ లలోకి విడుదలయ్యి ప్రేక్షకుల నుండి పాజిటివ్ స్పందనను దక్కించుకుంది. ఇందులో బాలకృష్ణ తో కాజల్ అగర్వాల్, శ్రీలీల, అర్జున్ రాంపాల్ వంటి నటీనటులు నటించి మెప్పించారు. ఈ సినిమాతో పాటుగా విడుదలైన లియో మరియు టైగర్ నాగేశ్వరావు లు ఈ సినిమాను నిలవలేకపోయాయి. బాలకృష్ణ తన నటనతో సినిమా మొత్తాన్ని తన భుజస్కందాలపై వేసుకుని హ్యాట్రిక్ హిట్ ను అందుకున్నాడు. ఇండియాలో రికార్డు కలెక్షన్ లతో దూసుకువెళుతున్న భగవంత్ కేసరి…. అమెరికాలోనూ తన ప్రభావాన్ని చూపిస్తోంది.
తెలుస్తున్న సమాచారం ప్రకారం ఈ సినిమా మిలియన్ డాలర్ లకు పైగా వసూళ్లు సాధించినట్లు మేకర్స్ తెలియచేశారు. కాగా బాలకృష్ణ నటించిన సినిమాలలో వరుసగా మూడు సినిమాలు అమెరికాలో మిలియన్ డాలర్లు వసూళ్లను అందుకున్నట్లు మేకర్స్ ప్రకటించారు.
