బుల్లితెరపై ప్రసారమవుతున్న ఎన్నో కార్యక్రమాలలో బిగ్ బాస్ రియాల్టీ షో కూడా ఒకటి. ఎంతోమంది సెలబ్రిటీలను ఈ షో కి తీసుకొచ్చి సుమారుగా 90 రోజులపాటు వారికి మొబైల్ ప్రపంచాన్ని అంతేకాదు బయట ప్రపంచాన్ని కూడా చూపించకుండా చేస్తారు. ఇక ఈ హౌస్ లో పలు రకాల స్కిట్లు, గేమ్లు పెట్టి కంటెస్టెంట్లను తికమక పెట్టించినా..ఎవరైతే వాటిని తట్టుకొని నిలబడగలుగుతారో వారే టైటిల్ విన్నర్ గా నిలుస్తూ ఉంటారు.
ఇక ఈ మోస్ట్ అవైటెడ్ రియాల్టీ షో ఇవాల్టి నుంచి గ్రాండ్ గా ప్రారంభం కానుంది. ఇక ఇప్పటికే నెట్టింట బిగ్ బాస్ సందడి షురూ అయింది. ఈసారి షోలో పాల్గొనబోతున్న కంటెస్టెంట్లు వీళ్లేనంటూ ఓ లిస్ట్ నెట్టింట చక్కర్లు కొడుతుంది. వీరిలో 20 మంది పేర్లు బయటికి రాగా, ఇదే ఫైనల్ లిస్ట్ అంటూ లీక్ వీరులు చెబుతున్నారు.
సోషల్ మీడియాలో అందుతున్న సమాచారం ప్రకారం గీతు రాయల్, ఆదిరెడ్డి, సిరి బాయ్ ఫ్రెండ్ శ్రీహాన్, యాంకర్ నేహా చౌదరి, ఆర్జె సూర్య, కమెడియన్ చంటి, నటుడు బాలాదిత్య, శాన్ని, సింగర్ రేవంత్, నటి సుదీప, యాంకర్ ఆరోహి రావు, సీరియల్ నటి శ్రీ సత్య, కీర్తి, ఇనయ సుల్తానా, లేడీ కమెడియన్ ఫైమా, నటి వసంతి, అర్జున్, రాజశేఖర్, రియల్ కపుల్ రోహిత్, మరీనాలు ఉన్నారు. దీనితోపాటు ఇద్దరు లేదా ముగ్గురు కామనర్స్ కూడా ఈసారి బిగ్ బాస్ హౌస్ లోకి ఎంట్రీ ఇస్తున్నారు.
