హైటెక్ సిటీ సిల్వర్ జూబ్లీ వేడుకల్లో భాగంగా టీడీపీ అధినేత చంద్రబాబుకు కృతజ్ఞతలు చెప్పేందుకు ఐటీ ఉద్యోగులు హైదరాబాదులో సీబీఎన్ గ్రాటిట్యూడ్ కాన్సెర్ట్ ఏర్పాటు చేసిన సంగతి తెలిసిందే. ఈ కార్యక్రమం బాలయోగి స్టేడియంలో కొద్దిసేపటి కిందట ప్రారంభమైంది. ఐటీ ఉద్యోగులు, చంద్రబాబు మద్దతుదారులు, టీడీపీ అభిమానులు భారీగా తరలివచ్చారు. నందమూరి కుటుంబ సభ్యులు కూడా ఈ కార్యక్రమానికి హాజరయ్యారు. నందమూరి రామకృష్ణ, బాలకృష్ణ అర్ధాంగి వసుంధరాదేవి, గారపాటి లోకేశ్వరి తదితరులు విచ్చేశారు. ఈ కార్యక్రమం ప్రారంభంలో చంద్రబాబుపై స్పెషల్ వీడియో ప్రదర్శించారు.
దాదాపు లక్ష మంది ప్రజలు, ముఖ్యంగా ఐటీ ఉద్యోగులు ఈ కార్యక్రమానికి వచ్చారు. ఈ సభకు రిజిస్ట్రేషన్స్ ఫుల్ అయ్యాయి. ప్రధానంగా తెలుగు ఐటీ ఫ్రొఫెషనల్ వింగ్ ఆధ్వర్యంలో ఐటీ ఉద్యోగులంతా తరలి వచ్చి చంద్రబాబుకు మద్దతుగా నిలిచారు. చంద్రబాబు రాక్ బ్యాండ్ సాంగ్ ఉర్రూతలూగించింది. బాలయ్య భార్య వసుంధర సహా టీడీపీ నేతలు ప్రముఖులు హాజరయ్యారు.
. ప్రముఖ నిర్మాత అశ్వనీదత్‌ మాట్లాడుతూ చిత్ర పరిశ్రమ చేయలేకపోయినా తెలుగు ప్రొఫెషనల్స్‌ ఇటువంటి కార్యక్రమం చేపట్టడం గొప్ప విషయమన్నారు. తాను సంపూర్ణ మద్దతు తెలుపుతున్నానని చెప్పారు. సంస్కార ఫౌండేషన్‌ అధ్యక్షురాలు, టీడీపీ అధికార ప్రతినిధి ప్రొఫెసర్‌ తిరునగరి జ్యోత్స్న సంఘీభావం ప్రకటించారు.
