నిరుద్యోగులకు శుభవార్త: 1.30 లక్షల ఉద్యోగాలు… కేంద్ర ప్రభుత్వం నోటిఫికేషన్ !

తాజాగా కేంద్ర ప్రభుత్వం నిరుద్యోగులకు ఒక శుభవార్తను అందించింది. కేంద్ర ప్రభుత్వం ద్వారా లక్ష 30 వేల ఉద్యోగాలను భర్తీ చేయనుంది. ఈ ఉద్యోగాలకు సంబంధించిన నోటిఫికేషన్ ను కేంద్రం త్వరలోనే విడుదల చేయనుంది. ఈ నోటిఫికేషన్ ప్రకారం CRPF లో లక్ష 30 వేల ఉద్యోగాలు ఖాళీలు ఉన్నట్లు తెలుస్తోంది. కానిస్టేబుల్ జనరల్ కేటగిరీలో ఈ ఉద్యోగాలు భర్తీ చేయడానికి ఉన్నాయి. ఇందులో పురుషుల కోటాలో 1.25 లక్షల ఉద్యోగాలు మరియు మహిళల కోటాలో 4667 ఉద్యోగాలు ఉన్నాయి. ఈ CRPF కానిస్టేబుల్ ఉద్యోగాల కోసం దరఖాస్తు చేసుకునే వారి వయస్సు 18 నుండి 23 సంవత్సరాల లోపు మాత్రమే ఉండాలి.

ఇక రిజర్వేషన్ ల ప్రకారం SC మరియు ST లకు అయిదేళ్ల వరకు సడలింపు ఇవ్వనున్నారు, మరియు OBC లకు మూడేళ్ల సడలింపు ఇవ్వనున్నారు. ఇక ప్రత్యేకంగా అగ్నివీర్ లకు 10 శాతం ఉద్యోగాలను రిజర్వ్ చేయబడి ఉన్నాయి. అయితే ఎప్పటి నుండి ఈ ఉద్యోగాలకు అప్లై చేసుకోవచ్చు అన్న విషయం అతి త్వరలోనే అధికారికంగా ప్రకటించనున్నారు. మరి పైన తెలిపిన అర్హతలు ఉన్న అభ్యర్థులు వెంటనే ఈ పోస్ట్ లకు అప్లై చేసుకోవడానికి సిద్దంగా ఉండగలరు.