ఆంధ్రప్రదేశ్ సీఎం నారా చంద్రబాబు నాయుడు రేపు అన్నమయ్య జిల్లాలో పర్యటించనున్నారు. ఈ సందర్భంగా ఆయన సంబేపల్లిలో ఎన్టీఆర్ భరోసా పెన్షన్లు పంపిణీ చేయనున్నారు. విజయవాడ నుంచి ప్రత్యేక విమానంలో కడపకు చేరుకోనున్నారు. అక్కడి నుంచి హెలికాప్టర్ సంబేపల్లి వెల్లి ఎన్టీఆర్ విగ్రహావిష్కరణ చేయనున్నారు. అనంతరం లబ్ధిదారుల ఇళ్లకు వెళ్లి పెన్షన్ నగదు అందజేయనున్నట్టు టీడీపీ వర్గాలు తెలిపాయి.
అధికారులు అందుకు తగిన ఏర్పాట్లు చేస్తున్నారు. మరోవైపు ఇవాళ ఎమ్మెల్సీ ఎన్నికలపై టెలీకాన్ఫరెన్స్ నిర్వహించారు సీఎం చంద్రబాబు. ఎన్నికల్లో ఎన్డీఏ అభ్యర్థుల విజయానికి మంత్రులు, ఎంపీలు, ఎమ్మెల్యేలతో కాన్ఫరెన్స్ లో మాట్లాడారు. ఎన్ఢీఏ విజయానికి సమన్వయ సమావేశాలు ఏర్పాటు చేసుకొని పని చేయాలన్నారు.
