ప్రముఖ సోషల్ నెట్వర్కింగ్ వెబ్సైట్ ఇన్స్టాగ్రామ్లో 7 కోట్ల మంది ఫాలోవర్స్ను సంపాదించాడు టీమ్ఇండియా కెప్టెన్ విరాట్ కోహ్లీ. ప్రపంచవ్యాప్తంగా అత్యధిక మంది అనుసరిస్తున్న నాలుగో క్రీడాకారుడిగా కోహ్లీ నిలిచాడు. ఈ మార్క్ను అందుకున్న తొలి క్రికెటర్గానూ ఘనత సాధించాడు.
పోర్చుగల్కు చెందిన ఫుట్బాల్ స్టార్ క్రిస్టియానో రొనాల్డో (23 కోట్ల 20 లక్షల మందికి పైగా), బార్సిలోనా లెజెండ్ లియోనాల్ మెస్సీ (16 కోట్ల పది లక్షల మందికి పైగా), బ్రెజిల్ ఫుట్బాల్ ప్లేయర్ నెయిమర్ (14 కోట్ల మంది)లు అత్యధిక ఫాలోవర్స్తో కోహ్లీ కంటే ముందంజలో ఉన్నారు. విరాట్ ఇటీవలే బాస్కెట్బాల్ స్టార్ ఆటగాడు లెబ్రాన్ జేమ్స్ (6 కోట్ల 90 లక్షల మంది)ను అధిగమించాడు.
ఇన్స్టాగ్రామ్లో అత్యధిక ఫాలోవర్లు దక్కించుకున్న భారతీయుడిగా విరాట్ కోహ్లీ ఘనత సాధించాడు. అతని తర్వాత బాలీవుడ్ నటి ప్రియాంకా చోప్రా (5 కోట్ల 50 లక్షల మంది) అనుచరులతో రెండో స్థానంలో ఉంది. ఇన్స్టాలో ఇటీవలే వేయి పోస్టల మార్క్ను దాటిన కోహ్లీ.. ఆ సోషల్మీడియా సైట్లో గతకొన్ని నెలలుగా చురుకుగా ఉన్నాడు. లాక్డౌన్లో తనకు సంబంధించిన వర్కౌట్ వీడియోలతో పాటు కొన్ని లైవ్సెషన్లలో పాల్గొన్నాడీ స్టార్ క్రికెటర్. ఈ సమయంలో ఇన్స్టాగ్రామ్ ద్వారా కోహ్లీ సూమారు రూ.3.6 కోట్లను ఆర్జించాడని ఇటీవలే ఓ సర్వే తెలిపింది.
