ఉగాండాలో ఘోర ప్రమాదం చోటుచేసుకుంది. ముకోనో జిల్లాలోని ఓ అంధుల పాఠశాలలో అకస్మాత్తుగా మంటలు చెలరేగాయి. ఈ ఘటనలో చిన్నారులు సహా 11 మంది దుర్మరణం చెందారు. సమాచారం అందుకున్న పోలీసులు ఘటనాస్థలికి చేరుకున్నారు.
ఈ ప్రమాదంలో చిన్నారులు కూడా మృతి చెందారని పోలీసులు తెలిపారు. మొత్తం 11 మంది అగ్నికి ఆహుతయ్యారని వెల్లడించారు. రాత్రి సమయంలో ఈ ఘటన చోటుచేసుకుందని చెప్పారు. ఈ ఘటనకు సంబంధించిన కారణాలు దర్యాప్తు చేస్తున్నామని వివరించారు. పూర్తి వివరాలు త్వరలోనే వెల్లడిస్తామన్నారు.
గతంలోనూ ఇదే మాదిరి ఉగాండా రాజధాని కంపాలా సమీపంలోని పాఠశాలల్లో అగ్నిప్రమాదాలు జరిగాయని స్థానిక వార్తా మీడియా వెల్లడించింది.
