పంజాబ్ మొహాలీలోని చండీగఢ్ యూనివర్సిటీలో దారుణం చోటు చేసుకుంది. ఓ గర్ల్స్ హాస్టల్ లో ఓ విద్యార్థిని 60 మంది విద్యార్థినులు స్నానం చేస్తుండగా వీడియో తీసి ఓ యువకుడికి పంపింది. ఆ యువకుడు ఆ వీడియోని ఇంటర్నెట్ మీడియాలో వైరల్ చేశాడు.
ఈ వీడియో ఇంటర్నెట్ మీడియాలో వైరల్ కావడంతో ఎనిమిది మంది విద్యార్థినులు ఆత్మహత్యానికి పాల్పడ్డారు. ఈ ఘటన కలకలం రేపింది. ఈ ఘటనపై కళాశాల యాజమాన్యానికి ఫిర్యాదు చేసిన యాజమాన్యం ఎలాంటి చర్యలు తీసుకోలేదని విద్యార్థినులు ఆవేదన వ్యక్తం చేశారు.
ఈ ఘటనపై ఆగ్రహించిన విద్యార్థులు శనివారం రాత్రి చండీగఢ్ యూనివర్సిటీని చుట్టుముట్టి ‘వి ఫర్ జస్టిస్’ అంటూ నినాదాలు చేశారు. యూనివర్సిటీ ముందు ఆందోళనకు దిగారు. పరిస్థితి అదుపు తప్పడంతో పోలీసులకు సమాచారం అందించారు. యూనివర్సిటీ చేరుకున్న పోలీసులను చూసి విద్యార్థులు ఆందోళనకు మరింత తీవ్రతరం చేశారు. దీంతో విద్యార్థులపై పోలీసులు లాటి ఛార్జ్ చేశారు. ఇంత జరిగిన యూనివర్సిటీ యాజమాన్యం ఎందుకు పట్టించుకోవడంలేదని విద్యార్థులు నిలదీశారు. విషయం సున్నితమైంది కావడంతో పోలీసులు కూడా ఏం చేయలేకపోయారు.
