డయాబెటిస్ లేదా షుగర్ వ్యాధి అనేది ఈ రోజుల్లో చాలా సాధారణం అయిపోయింది. అయితే ఈ సమస్య ఉన్నవారు కేవలం ఆహారం, మందుల గురించే కాకుండా తమ వ్యక్తిగత జీవితం గురించి కూడా మానసికంగా ఆందోళన చెందుతుంటారు. షుగర్ ఉంటే భాగస్వామితో శారీరక సంబంధం సరిగ్గా సాగదేమో అనే భయం చాలామందిలో ఉంటుంది. కానీ, నిపుణుల అభిప్రాయం ప్రకారం బ్లడ్ షుగర్ లెవెల్స్ అదుపులో ఉంటే ఎలాంటి సమస్యలు లేకుండా వైవాహిక జీవితాన్ని చక్కగా ఆస్వాదించవచ్చు. అందుకోసం పాటించాల్సిన కొన్ని ముఖ్యమైన సూత్రాలు ఇప్పుడు చూద్దాం.
ముందే షుగర్ లెవెల్స్ చెక్ చేసుకోండి: భాగస్వామితో శారీరక సంబంధానికి సిద్ధపడే ముందు ఒకసారి మీ బ్లడ్ షుగర్ లెవెల్స్ ఎలా ఉన్నాయో చెక్ చేసుకోవడం చాలా మంచి అలవాటు. ఎందుకంటే ఆ సమయంలో శరీరం ఎక్కువ శక్తిని ఉపయోగించుకుంటుంది. ఇక దీనివల్ల షుగర్ లెవెల్స్ అకస్మాత్తుగా పడిపోయే (హైపోగ్లైసీమియా) అవకాశం ఉంటుంది. కాబట్టి లెవెల్స్ నార్మల్గా ఉన్నాయని నిర్ధారించుకోవడం వల్ల ఎలాంటి ఆందోళన లేకుండా ప్రశాంతంగా ఉండవచ్చు.
ఆల్కహాల్ అలవాటుకు దూరంగా ఉండండి: చాలామంది శారీరక సంబంధానికి ముందు మూడ్ కోసం మద్యం (ఆల్కహాల్) తాగుతుంటారు. కానీ షుగర్ ఉన్నవారు ఈ అలవాటుకు వీలైనంత దూరంగా ఉండాలి. ఆల్కహాల్ తీసుకోవడం వల్ల రక్తంలో షుగర్ లెవెల్స్ ఒక్కసారిగా పడిపోతాయి. ఇది మీ ఉత్సాహాన్ని దెబ్బతీయడమే కాకుండా, శరీరానికి తీవ్రమైన నీరసాన్ని కలిగిస్తుంది. అందుకే ఈ విషయాలలో సహజంగా ఉండటానికే ప్రాధాన్యత ఇవ్వాలి.
సుదీర్ఘమైన సమయం వద్దు: శారీరక కలయిక సమయంలో ఎక్కువ సమయం తీసుకోకుండా ఉండటం మంచిదని నిపుణులు సూచిస్తున్నారు. అతిగా శ్రమించడం లేదా ఎక్కువ సమయం కేటాయించడం వల్ల బాడీ అలసిపోయి షుగర్ లెవెల్స్లో హెచ్చుతగ్గులు రావచ్చు. ఇక కాబట్టి తక్కువ సమయంలోనే నాణ్యమైన, మధురమైన క్షణాలను పంచుకోవడంపై దృష్టి పెట్టడం ఇద్దరికీ ఎంతో సౌకర్యవంతంగా ఉంటుంది.
రోజువారీ వ్యాయామం, సరైన డైట్: మీ శారీరక బంధం బలంగా, ఉత్సాహంగా సాగాలంటే రోజువారీ జీవనశైలి బాగుండాలి. ఇందుకోసం ప్రతిరోజూ క్రమం తప్పకుండా వ్యాయామం చేయడం అలవాటు చేసుకోవాలి. అలాగే ఇక మీ డైట్లో గ్రీన్ వెజిటెబుల్స్ (పచ్చటి ఆకుకూరలు, కూరగాయలు) ఎక్కువగా ఉండేలా చూసుకోవాలి. ఇది శరీరంలో రక్త ప్రసరణను మెరుగుపరిచి, అవసరమైన శక్తిని అందిస్తుంది.
డయాబెటిస్ అనేది మీ ఆనందానికి ఎప్పటికీ అడ్డుకాదు. మీ బ్లడ్ షుగర్ లెవెల్స్ను నార్మల్గా మెయింటైన్ చేయడం, ఆరోగ్యకరమైన అలవాట్లను అలరచుకోవడం ద్వారా భాగస్వామితో సంభోగం ఎంతో సులభం అవుతుంది.ఇక పరస్పర అవగాహన, చిన్నపాటి జాగ్రత్తలు ఉంటే మీ శారీరక సంబంధంలో ఎప్పుడూ సరికొత్త ఉత్సాహం నిలిచే ఉంటుంది.
గమనిక: పైన ఇచ్చిన సమాచారం కేవలం ప్రాథమిక అవగాహన కోసం మాత్రమే. షుగర్ వ్యాధి తీవ్రత వల్ల ఒకవేళ మీకు శారీరక సంబంధంలో ఎలాంటి ఇబ్బందులు లేదా నరాల బలహీనత వంటి సమస్యలు ఎదురవుతుంటే.. మొహమాటపడకుండా మీ డాక్టర్ను లేదా కౌన్సిలర్ను సంప్రదించి సరైన సలహా తీసుకోవడం ఉత్తమం.
 ఉన్నంత మాత్రాన మీ వైవాహిక జీవితంలో ఆనందం తగ్గుతుందని అనుకుంటున్నారా? అస్సలు కాదు. బ్లడ్ షుగర్ లెవెల్స్ను నార్మల్గా){kind=link}