కరీంనగర్: సోషల్ మీడియాలో తనపై వస్తున్న ఫేక్ వార్తలను ఈటల రాజేందర్ ఖండించారు. టీఆరెస్‌ఐటీ విభాగం వాళ్లు చిల్లర పనులు చేస్తున్నారని ఆయన మండిపడ్డారు. ఎన్నికల్లో తనును ఎదుర్కొనే దమ్ము లేక ఇలాంటి ప్రచారం చేస్తున్నారని ఈటల ఆగ్రహం వ్యక్తం చేశారు. తప్పుడు ప్రచారాలను మానుకోవాలని హెచ్చరించారు.
ఇక టీఆర్ఎస్‌లో ఈటల ఎపిసోడ్ తెలిసిందే. ప్రస్తుతం ఆయన బీజేపీ నేతగా ఉన్నారు. హుజురాబాద్‌లో ఇప్పటికే ఎన్నికల హడావుడి ప్రారంభమైంది. దీంతో ఆయన హుజురాబాద్ ప్రజానీకాన్ని కలుస్తారు. ఈ నేపథ్యంలో టీఆర్ఎస్ నేతలు ఈటలపై దుష్ర్పచారానికి తెరలేపారని బీజేపీ నేతలు అంటున్నారు.
