వర్షాకాలం సాయంత్రం చాలా అద్భుతంగా ఉంటుంది. అప్పటి దాకా వర్షం పడి, అప్పుడే తగ్గిపోయినట్టు చిన్న చిన్న తుంపర్లు కురుస్తుంటాయి. ఆ తుంపర్ల వంక చూస్తూ బాల్కనీలో కుర్చీలో కూర్చుని చేతిలో పుస్తకం పట్టుకుని పక్కన మీకు ఇష్టమైన స్నాక్స్ పెట్టుకుని తుంపర్ల వంక చూస్తూ వేడి వేడి స్నాక్స్ తింటుంటే ఆ మజానే వేరు. అలాంటి సాయంత్రాలను మరింత ఆహ్లాదంగా మార్చడానికి ఈ స్నాక్స్ ఒకసారి ప్రయత్నించండి.
మొక్కజొన్న
వర్షాకాలంలో మొక్కజొన్న విరివిగా లభిస్తుంది. కాల్చిన మొక్కజొన్న డైరెక్టుగా కాకుండా మొక్కజొన్న విత్తనాలను ఒలిచి, ఉల్లిపాయ, నిమ్మరసం, టమాట, కొత్తిమీర కలిపి వేయిస్తే మహా రుచిగా ఉంటుంది. ఒకసారి పయత్నించండి.
మినప పప్పు
మినప గింజలు, గోధుమ పిండి, సోంపు గింజలు, జీలకర్ర, వెల్లుల్లి పేస్ట్, పచ్చిమిర్చి, ఎర్ర మిరప, కొత్తిమీర, ఉప్పు ఇంకా నూనె అవసరం. ఇది వర్షాకాలానికి సరైన స్నాక్స్.
పాలకూర సమోస
సాయంత్రాలు సమోస ఇష్టపడేవారు చాలా మంది. ఐతే బయట బండి మీద కాకుండా ఇంట్లో పాలకూరతో చేసుకుని తినండి. పాలకూర, పన్నీర్, జున్ను, ఉప్పు, వెల్లుల్లి బ్రెడ్ మసాలా, అల్లం, పచ్చిమిర్చి వేసి ప్రయత్నించండి. తిన్నాక మీరు వదల్లేరు.
వడాపావ్
ముంబై వీధుల్లో బాగా ప్రాచుర్యం పొందిన వడపావ్, కూడా సాయంత్రం స్నాక్స్ గా బాగా పనిచేస్తుంది. దీన్ని తయారు చేయడానికి, మీకు బంగాళాదుంప, వెల్లుల్లి పేస్ట్, పచ్చిమిర్చి, పసుపు, గ్రామ పిండి, మిరప పొడి, నీరు, శుద్ధి చేసిన నూనె, పావ్, కరివేపాకు, వెన్న మొదలైనవి అవసరం. కాఫీ లేదా టీతో పాటు తినవచ్చు.
