నందమూరి బాలకృష్ణ హోస్ట్‌గా వ్యవహరిస్తున్న అన్ స్టాపబుల్ షో ఫుల్ స్వింగ్‌లో దూసుకుపోతున్నది. ఇప్పటికే మూడు సీజన్స్ పూర్తి చేసుకున్న ఈ టాక్ షో ఇప్పుడు సీజన్ 4తో అలరిస్తుంది. బాలయ్య సినిమాల్లో ఎంత పవర్ ఫుల్‌గా నటిస్తారో ఈ టాక్ షోలో అంతే జోష్‌గా ఇంటర్వ్యూలు చేస్తున్న విషయం తెలిసిందే.ఇదిలాఉండగా, మెగా ఫ్యాన్స్‌కు అదిరిపోయే న్యూస్ ఆహా ప్రసెంట్ చేస్తున్న అన్‌స్టాపబుల్ షో తీసుకొచ్చింది.
ఈ షోకు గ్లోబల్ స్టార్ రామ్‌చరణ్ ముఖ్య అతిథిగా హాజరుకానున్నారు. గతంలో ప్రభాస్ గెస్ట్ గా హాజరయినప్పుడు బాలకృష్ణ చరణ్‌తో ఫోన్లో మాట్లాడించారు. ఆ టైంలో నా షోకు ఎప్పుడొస్తావ్ అని బాలయ్య అడగ్గా మీరు పిలవడమే లేటు అని చరణ్ బదులిచ్చారు. తాజాగా ఆ సమయం వచ్చేసింది. ఈ క్రమంలోనే అన్ స్టాపబుల్ షోలో బాలయ్యతో రామ్ చరణ్ సందడి చేయనున్నారు. ఈ ఎపిసోడ్ షూటింగ్ మంగళవారం (నేడు)జరగనుంది. బాలయ్య షోకు చరణ్ రోల్స్ రాయిస్ కారులో వచ్చిన విజువల్స్ ప్రస్తుతం నెట్టింట వైరల్ అవుతున్నాయి.
