నిర్మల్ లో ఉద్రిక్తత నెలకొంది…ఆర్డీవోను బంధించారు రైతులు. అయితే.. ఈ తరుణంలోనే… భారీ పోలీసు బందోబస్తు మధ్య ఆర్డీవోను కాపాడారు పోలీసులు. దిలావర్‌పూర్‌లో రైతుల నిర్భందం నుంచి ఆర్డీవోను రక్షించారు పోలీసులు. నిర్మల్ – దిలావర్‌పూర్‌ మండల కేంద్రంలో నిర్బంధించిన ఆర్డీవో రత్న కళ్యాణిని తీసుకెళ్లేందుకు పోలీసు బలగాలు కారు వద్దకు చేరుకోవడం జరిగింది.
కారు చుట్టూ ఉన్న మహిళలను నెట్టివేసి ఆమెను మహిళా పోలీసు బలగాలు అక్కడి నుంచి తప్పించడం జరిగింది. దీంతో నిరసనకారులు తీవ్ర ఆగ్రహం వ్యక్తం చేస్తూ ఆమెను వెళ్లనివ్వకుండా అడ్డుకునేందుకు ప్రయత్నించడం జరిగింది. అయినా బలగాలు ఆమెను అక్కడి నుంచి తప్పించాయి. నిన్నటి నుంచి నిర్మల్ జిల్లా దిలావర్‌పూర్‌లో రైతులు రాస్తారోకో చేస్తున్నారు. ఈ తరుణంలోనే… ఆరు గంటలుగా రోడ్డుపైనే వాహనంలోనే ఆర్డీవో రత్న కళ్యాణి ఆపారు రైతులు. 8 నెలల నుండి ఇథనాల్ పరిశ్రమకు వ్యతిరేకంగా పోరాడుతున్నారు రైతులు.. పిల్లాపాపలతో రోడ్డుపై బైఠాయించారు రైతులు.
