ఏపీలో మరో దారుణం చోటుచేసుకుంది. తన కూతురిపై తండ్రి లైంగికదాడికి పాల్పడ్డాడు. ఈ ఘటన చిత్తూరు జిల్లా రేణిగుంట లో చోటుచేసుకుంది. రేణిగుంట కు చెందిన ఓ వ్యక్తి తన పద్నాలుగేళ్ల కూతురును అక్టోబర్ 24 న ఇంటి నుండి బయటకు తీసుకు వెళ్లి ఈ దారుణానికి పాల్పడ్డాడు. అనంతరం ఈ విషయం ఎవరికైనా చెబితే చంపేస్తానని తండ్రి బెదిరింపులకు పాల్పడ్డాడు.
అయితే బాధితురాలు తనపై జరిగిన దారుణాన్ని తల్లికి చెప్పడంతో అసలు విషయం బయటపడింది. తల్లి కూతురు ని తీసుకుని స్థానిక పోలీస్ స్టేషన్ వెళ్లి తన భర్త పై ఫిర్యాదు చేసింది. ఈ ఘటనపై కేసు నమోదు చేసిన పోలీసులు తండ్రిని అదుపులోకి తీసుకున్నారు. ఇదిలా ఉంటే తెలుగు రాష్ట్రాల్లో ఇలాంటి దారుణాలు రోజురోజుకు పెరిగిపోతున్నాయి. రీసెంట్గా తెలంగాణ లో అధికారపార్టీ సర్పంచ్ భర్త ఓ బాలిక పై లైంగిక దాడికి పాల్పడిన ఘటన వెలుగులోకి వచ్చింది. దాంతో అతడిపై కేసు నమోదు చేసి ఫోక్సో చట్టం కింద అరెస్టు చేశారు. అంతేకాకుండా అతని పార్టీ కూడా సస్పెండ్ చేసింది.
