దక్షిణాది సినీ ఇండస్ట్రీలో తనకంటూ ప్రత్యేక గుర్తింపు తెచ్చుకొని కోలీవుడ్ స్టార్ హీరోగా ఓ వెలుగు వెలుగుతున్నారు విజయ్ సేతుపతి. తాజాగా ఆయన నటిస్తోన్న ‘తుగ్లక్ దర్భార్’ చిత్రానికి సంబంధించిన ఫస్ట్‌ లుక్‌ పోస్టర్ రిలీజ్ చేశారు మేకర్స్. చూడటానికి ఎంతో డిఫరెంట్‌గా ఉన్న ఈ పోస్టర్ అన్ని వర్గాల ప్రేక్షకులను ఎంతగానో ఆకట్టుకుంటోంది.
సోషల్ మీడియాలో తెగ హల్‌చల్ చేస్తున్న ఈ పోస్టర్ ట్విట్టర్‌లో వైరల్ అవ్వడం విశేషం. ఈ సినిమాను లలిత్ కుమార్ నిర్మిస్తుండగా.. ఢిల్లీ ప్రసాద్ దీనదయాల్ దర్శకత్వం వహిస్తున్నాడు. గోవింద్ వసంత్ సంగీతాన్ని సమకూరుస్తున్నాడు. రాధా కృష్ణన్ పార్థిబన్, అదితి రావ్ హైదరీ, మంజిమా మోహన్ ముఖ్యపాత్రల్లో నటిస్తున్నారు.
