డబ్ల్యూటీసీ టెస్టు చాంపియన్ షిప్ టోర్నీలో టీమిండియా సీనియర్లు న్యూజిల్యాండ్‌తో జరిగిన మూడు టెస్టుల సిరీస్‌ను చేతులారా పోగొట్టుకున్న విషయం తెలిసిందే. ప్రస్తుతం రోహిత్ శర్మ బృందం ఈ దారుణ ఓటమి నుంచి బయటకు రాలేకపోతున్నది. ఇదిలాఉండగా, భారత యువ క్రికెటర్లు బృందం సౌతాఫ్రికా చేరుకుంది. ఈనెల 8 నుంచి ఆ దేశంలో జరిగే టీ20 సిరీస్ కోసం యువక్రికెటర్లు సిద్ధమయ్యారు.
ఈ బృందాన్ని మాజీ క్రికెట్ దిగ్గజం వీవీఎస్ లక్ష్మణ్ నడిపించునున్నారు. కెప్టెన్ సూర్యకుమార్ యాదవ్ టీ 20 మ్యాచులకు సారథ్యం వహిస్తుండగా.. సంచలన బ్యాటింగ్, బౌలింగ్‌తో టీమిండియా బరిలోకి దిగనుంది. ఈ క్రమంలోనే భారత క్రికెటర్ల మధ్య జనరల్ నాలెజ్డ్ (జీకే) సెషన్ సరదగా నడవగా ఆ వీడియోను బీసీసీఐ షేర్ చేసింది. ఇందులో అభిషేక్ వర్మ తోటి క్రికెటర్లను పలు ప్రశ్నలు అడిగారు. ప్రపంచంలోనే మూడు రాజధానులు ఉన్న దేశం సౌతాఫ్రికా అని మీకు తెలుసా? అని క్వశ్చన్ వేయగా క్రికెటర్లు చెప్పిన సమాధానాలు నవ్వుల పువ్వులు పూయించాయి.
