బిహార్లోని గయా ప్రాంతంలో ఓ రైలు ప్రమాదానికి గురైంది. ఇవాళ ఉదయం గయాలో ఓ గూడ్స్ రైలు పట్టాలు తప్పింది. ఉదయం గయాలోని హజారీబాగ్ నుంచి దాద్రీకి బొగ్గుతో వెళ్తున్న రైలు.. పట్టాలు తప్పి బోల్తా పడింది.
ఈ ఘటనలో ప్రాణ నష్టం జరగలేదని రైల్వే అధికారులు తెలిపారు. కానీ 58 కోచ్లలో 53 కోచ్లు చెల్లాచెదురయ్యాయని వెల్లడించారు. రైల్వే సిబ్బంది వెంటనే ప్రమాద స్థలానికి చేరుకుని మరమ్మతులు చేస్తున్నారు. బ్రేక్ ఫెయిల్ అవ్వడం వల్లే ఈ ప్రమాదం జరిగినట్లు అధికారులు గుర్తించారు. దీంతో ఈ మార్గంలో ప్రయాణించాల్సిన పలు రైళ్ల రాకపోకలకు అంతరాయం ఏర్పడింది.
