ఆంధ్రప్రదేశ్‌ గ్రూప్-4 మెయిన్ ప్రాథమిక కీ విడుదలైంది. రాష్ట్రంలోని రెవెన్యూ శాఖలో 640 జూనియర్ అసిస్టెంట్ కమ్ కంప్యూటర్ అసిస్టెంట్ ఉద్యోగాల భర్తీకి ఈనెల 4న మెయిన్ పరీక్ష నిర్వహించారు. ఈ క్రమంలోనే ప్రాథమిక కీని APPSC వెబ్సైట్లో అందుబాటులో ఉంచింది. ఏమైనా అభ్యంతరాలుంటే ఈనెల 7 నుంచి 9 వరకు తెలియజేయాలని సూచించింది. ఈ నేపథ్యంలో గురువారం ప్రాథమిక పరీక్ష సమాధానాల ప్రాథమిక కీని ఏపీపీఎస్సీ తన అధికారిక వెబ్సైట్లో ఉంచింది.
ఆన్‌లైన్‌లో జరిగిన ఈ పరీక్ష ప్రాథమిక కీపై ఎవరికైనా అభ్యంతరాలు ఉంటే ఏప్రిల్‌ 7 నుంచి 9వ తేదీ లోపు ఆన్‌లైన్‌లో తెలియజేయవచ్చని అభ్యర్థులకు సూచించింది. పోస్టు, వాట్సాప్‌, ఎస్‌ఎంఎస్‌, ఫోన్‌, వ్యక్తిగతంగా సమర్పించడం తదితర రూపాల్లో అభ్యంతరాలను స్వీకరించబోమని అధికారులు తెలిపారు. మరిన్ని వివరాల కోసం appsc.ap.gov.in వెబ్సైట్ ను సందర్శించవచ్చు.
