‘’నాటు నాటు’’ సాంగ్​కు పాకిస్థాన్ నటి డ్యాన్స్.. వీడియో వైరల్

దర్శకధీరుడు ఎస్ఎస్ రాజమౌళి తెరకెక్కించిన ఆర్ఆర్ఆర్ మూవీకి ప్రపంచ వ్యాప్తంగా ఎంత గుర్తింపు వచ్చిందో తెలిసిందే. ఈ సినిమాకు గుర్తింపుతో పాటు పలు అంతర్జాతీయ అవార్డులు కూడా వచ్చాయి. ఈ చిత్రంలో నటించిన ఎన్టీఆర్, రామ్​చరణ్​లు ప్రపంచ వ్యాప్తంగా ఫేమస్ అయ్యారు.

ఇక ఆర్ఆర్ఆర్ సినిమాలోని నాటు నాటు పాటకు ఏకంగా గోల్డెన్ గ్లోబ్ అవార్డు వరించింది. అంతే కాకుండా ఈ పాటపై అనేక రికార్డులు ఉన్నాయి. ఇప్పటికే చాలా మంది సెలబ్రిటీలు ప్రపంచ వ్యాప్తంగా ఈ పాటకు స్టెప్పులేశారు. తాజాగా వారి జాబితాలో చేరింది పాకిస్థాన్ నటి హానియా ఆమిర్.

పాకిస్థాన్ స్టార్ హీరోయిన్స్​లో ఒకరైన హానియా ఆమిర్ నాటు నాటు సాంగ్​కు స్టెప్పులేసింది. ట్రేడిషనల్​ డ్రెస్సులోనూ తన డ్యాన్స్​తో దుమ్మురేపింది. ఓ వివాహ వేడుకలో కో యాక్టర్ సబూర్ అలీతో కలిసి హానియా డ్యాన్స్ చేసింది. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. ఇంకెందుకు ఆలస్యం మీరు ఈ వీడియోను చూసేయండి.