దశాబ్దాలుగా నివురుగప్పిన నిప్పు ఒక్కసారిగా ఉప్పొంగింది… పాతికేళ్లుగా సాగుతున్న ఆధిపత్య పోరు పతాక స్థాయికి చేరింది… బాంబులు పడి..నెత్తురు చిట్లి..కొడవళ్లు గాల్లోకి లేచినా అసలు నాయకులు సీన్ లోకి రాలేదు. సీమ చరిత్రలో ఎప్పుడూ లేని విధంగా వెళ్లి కయ్యానికి కాలు దువ్వారు. అయితే ఇంత జరిగినా జేసీ ఎందుకు కేసు పెట్టలేదు… దాడి చేసిన వారే కేసు పెడితే ఎందుకు మౌనంగా ఉన్నారు… ఈ మౌనం వెనుక వ్యూహం ఉందా…. పోలీసు తుఫాకి నీడ లో ఉన్న తాడిపత్రి లో ఏం జరుగుతోంది…
2019 ఎన్నికల తరువాత పరిస్థితి ఒక్కసారిగా మారిపోయింది.వరుస విజయాలతో అధికారంలోకి జెసి సోదరుల విజయాలకు బ్రేకు పడింది. తాడిపత్రి ఎమ్మెల్యేగా కేతిరెడ్డి పెద్దారెడ్డి గెలుపొందడమే గాక.. వైసీపీ అధికారంలోకి వచ్చింది. వ్తెసీపీ అధికారంలోకి వచ్చిన ఏడాదిగా ఎలాంటి గొడవలు లేకుండా ఉన్న నియోజకవర్గంలో… బిఎస్ 4 వాహనాల కోనుగోలు విషయంలో మాజీ ఎమ్మెల్యే జెసి ప్రభాకర్ రెడ్డి , తనయుడు ఆస్మిత రెడ్డిని అరెస్ట్ చేయడంతో పరిస్థితి మారిపోయింది. జెసి ప్రభాకర్ రెడ్డి , ఆస్మిత్ రెడ్డిలు 53 రోజులు పాటు జైలులో ఉండాల్సి వచ్చింది.
తీవ్ర ఉద్రిక్తతలకు కేంద్రమైన తాడిపత్రిలో ఇంకా టెన్షన్ వాతావరణం కనిపిస్తోంది.పరిస్థితి పోలీసులు అదుపులో ఉందని చెబుతున్నా టెన్షన్ వాతావరణం మాత్రం కనిపిస్తోంది. ఏ వర్గం ఎలా రియాక్ట్ అవుతుందోనన్న ఆందోళన కనిపిస్తోంది.
