మెగా పవర్ స్టార్ రాం చరణ్ RRR, ఆచార్య తర్వాత క్రేజీ కాంబోని సెట్ చేసుకున్నాడు. దిల్ రాజు నిర్మాణంలో సౌత్ స్టార్ డైరక్టర్ శంకర్ డైరక్షన్ లో ఈ సినిమా వస్తుంది. రాం చరణ్ ఇమేజ్ కు తగినట్టుగా పాన్ ఇండియా వైడ్ మెప్పించే కథతో ఈ సినిమా వస్తుందని తెలుస్తుంది. త్వరలో సెట్స్ మీదకు వెళ్లనున్న ఈ సినిమా గురించి లేటెస్ట్ అప్డేట్ మెగా ఫ్యాన్స్ ను అలరిస్తుంది. ఈ సినిమాలో హాలీవుడ్ స్టార్ కూడా నటిస్తున్నాడని తెలుస్తుంది. హాలీవుడ్ స్టార్ మైఖెల్ మ్యాడ్ చరణ్ సినిమాలో ఛాన్స్ అందుకున్నాడట.
ఆల్రెడీ అనుష్క నిశ్శబ్ధం సినిమాలో విలన్ గా నటించిన మైఖెల్ మ్యాడ్ మరోసారి తెలుగు సినిమా ఛాన్స్ అందుకున్నాడు. శంకర్ ఇండియన్ 2 సినిమా పూర్తి చేసి చరణ్ సినిమాను సెట్స్ మీదకు తీసుకెళాడని తెలుస్తుంది. ఈ సినిమాలో ఇంకా మరెన్నో సర్ ప్రైజులు ఉంటాయని తెలుస్తుంది. రీసెంట్ గా మెగాస్టార్ చిరంజీవి కూడా శంకర్, చరణ్ కాంబో మూవీలో ఉంటారని టాక్ వచ్చింది. అదే నిజమైతే ఈ ప్రాజెక్ట్ మరో భారీ సినిమాగా ఏర్పడుతుందని చెప్పొచ్చు.
