చాలా మంది అవసరానికి చేతిలో డబ్బులు లేవంటే పెర్సనల్ లోన్ ని తీసుకుంటూ వుంటారు. అలానే ఎక్కువ వడ్డీకి రుణం తీసుకోవడం కంటే మీకు ఖాతా ఉన్న బ్యాంక్ నుంచి పర్సనల్ లోన్ తీసుకోవడం మంచిది. మాములుగా అయితే ఈ పెర్సనల్ లోన్ పై వడ్డీ రేటు 10.25% నుంచి 36% వరకు ఉంటుంది. లోన్ తీసుకోవాలంటే మీ బ్యాంక్, రుణ రకం, క్రెడిట్ స్కోర్, ఇప్పటికే ఉన్న రుణం, ఆదాయం, రుణ మొత్తం వంటి వాటిపై ఆధారపడి ఉంటుంది.
అయితే అన్ని బ్యాంకులు లో ఒకే వడ్డీ రేటు ఉండదు. మరి ఏ బ్యాంక్ ఎలా ఇస్తుందో ఇప్పుడు చూద్దాం. ఇక దీనికి సంబంధించి పూర్తి వివరాల లోకి వెళితే.. యాక్సిస్ బ్యాంక్ వడ్డీ రేటు11%నుంచి స్టార్ట్ అవుతుంది. రుణ మొత్తంలో1.5% వరకు ప్రాసెసింగ్ ఫీజుగా చెల్లించాల్సి ఉంటుంది. రుణం తీసుకున్న 1 నుంచి 12 నెలల్లోపు డబ్బు తిరిగి చెల్లించకపోతే 5 శాతం పెనాల్టీ విధిస్తారు.
అదే బజాజ్ ఫిన్‌సర్వ్ అయితే వడ్డీ 11.49 శాతం నుంచి మొదలవుతుంది. రుణ మొత్తంలో 4% ప్రాసెసింగ్ ఫీజుగా చెల్లించాల్సి ఉంటుంది. బ్యాంక్ ఆఫ్ బరోడా వడ్డీ రేటు 10.50 శాతం నుంచి స్టార్ట్ అవ్వగా.. రుణ మొత్తంలో 2% ప్రాసెసింగ్ ఫీజుగా చెల్లించాలి. బ్యాంక్ ఆఫ్ మహారాష్ట్ర లో అయితే 9.55 శాతం నుంచి మొదలు అవుతుంది.
రుణ మొత్తంలో 1% ప్రాసెసింగ్ ఫీజుగా చెల్లించాల్సి ఉంటుంది. అదే సెంట్రల్ బ్యాంక్ లో అయితే ఇది 8.45 శాతం వడ్డీతో మొదలవుతుంది. ఇందులో, రూ. 5000 వరకు ప్రాసెసింగ్ ఫీజుగా చెల్లించాల్సి ఉంటుంది. అలానే సిటీ బ్యాంక్ వ్యక్తిగత రుణం 9.99% నుంచి మొదలవుతుంది. ఫెడరల్ బ్యాంక్ 10.49 శాతం వడ్డీ రేటు తో ఇవ్వగా.. HDFC బ్యాంక్ వ్యక్తిగత రుణం 12.50 శాతం నుంచి ఇస్తోంది. ఐసిఐసిఐ బ్యాంక్ వ్యక్తిగత రుణం 10.50 శాతం నుంచి ప్రారంభమవుతుంది.
