ఓపెన్‌ఏఐ మాజీ సీఈఓ శామ్ ఆల్ట్మన్కు మైక్రోసాఫ్ట్ సీఈఓ సత్య నాదెళ్ల బంపర్ ఆఫర్ ఇచ్చారు. ఆల్ట్మన్ తమ కంపెనీలో చేరుతున్నారని ఆయన సోషల్ మీడియా మాధ్యమం ఎక్స్ వేదికగా స్వయంగా ప్రకటించారు. తమ కంపెనీలో ఉన్న కొత్త ఏఐ పరిశోధన బృందంలో ఆయన చేరతారని తెలిపారు. ఆయనతో పాటు ఓపెన్ ఏఐ నుంచి బయటకు వచ్చిన గ్రెగ్ బ్రాక్మన్ కూడా తమతో కలిసి పని చేస్తారని వెల్లడించారు. ఆల్ట్మన్.. బ్రాక్మన్తో కలిసి మైక్రోసాఫ్ట్ ఏఐ టీమ్కు సారధ్యం వహించనున్నారని నాదెళ్ల చెప్పారు.
ఈ ఇరువురు తమ పనిలో విజయం సాధించేందుకు కావాల్సిన అన్ని వనరులను మైక్రోసాఫ్ట్ వీలైనంత త్వరగా సమకూర్చుతుందని సత్య నాదెళ్ల తెలిపారు. అయితే వీరితో పనిచేస్తున్నా.. ఓపెన్ ఏఐతో తమ భాగస్వామ్యం కొనసాగుతుందని స్పష్టం చేశారు. ఆ సంస్థతో కలిసి తాము రూపొందించిన ప్రోడక్ట్ రోడ్ మ్యాప్ ముందుకు సాగుతుందని తెలిపారు. ఓపెన్‌ఏఐ కొత్త టీమ్, టీమ్ లీడర్తో కలిసి పని చేసేందుకు చాలా ఆసక్తిగా ఎదురుచూస్తున్నట్లు సత్య నాదెళ్ల ట్వీట్లో పేర్కొన్నారు.
We remain committed to our partnership with OpenAI and have confidence in our product roadmap, our ability to continue to innovate with everything we announced at Microsoft Ignite, and in continuing to support our customers and partners. We look forward to getting to know Emmett…
— Satya Nadella (@satyanadella) November 20, 2023
