జనసేన అధినేత పవన్ క‌ల్యాణ్ ఏపీ రాకీయాల్లో దూకుడుగా వ్యవహరిస్తున్న సంగ‌తి తెలిసిందే. ఇక ఇప్పుడు పవన్ తెలంగాణ రాజ‌కీయాల్లోనూ దూకుడు పెంచే ఆలోచ‌న‌లో ఉన్న‌ట్టు తెలుస్తోంది. ఈ నేప‌థ్యంలో తెలంగాణ జనసేన పార్టీ బలోపేతం పై జనసేన అధినేత పవన్ కళ్యాణ్ ఫోకస్ పెట్టారు.
అంతే కాకుండా ఈనెల 9వ తేదీన హైదరాబాద్ లో జనసేన తెలంగాణ శాఖ క్రియాశీలక కార్యకర్తల సమావేశం కానుంది.
తెలంగాణలో సంస్థాగతంగా పార్టీ నిర్మాణంపై ఈ స‌మావేశంలో ప్రధాన చర్చ జ‌రిగే అవ‌కాశం ఉన్న‌ట్టు తెలుస్తుంది. అంతే కాకుండా జనసేన పార్టీలో క్రియా శీలకంగా వ్యవహరిస్తున్న ఈ స‌మావేశంలో పవన్ క‌ల్యాణ్ దిశానిర్దేశం చేయనున్నారు. తెలంగాణలో మారుతున్న రాజకీయ సమీకరణాల దృష్ట్యా పవన్ భేటీకి ప్రాధాన్యత సంత‌రించుకుంది. ఇదిలా ఉండ‌గా ఇటీవ‌ల కొన్ని జిల్లాల్లో జనసేన జిల్లా నాయ‌కులు కార్య‌క‌ర్తల‌తో స‌మావేశాలు నిర్వ‌హించారు.
