యాంగ్రీ మాన్ రాజశేఖర్ ఈ మధ్య సినిమాల వేగం పెంచారు. గరుడవేగ మంచి టాక్ తెచ్చుకోవడంతో వరుసగా సినిమాలపై దృష్టి పెట్టారు. గరుడవేగ తర్వాత కల్కి పెద్దగా హిట్ కాకపోయినా మళయాల చిత్రాన్ని రీమేక్ చేస్తున్నాడు. ప్రముఖ దర్శకుడు నీలకంఠ ఈ చిత్రానికి దర్శకత్వం వహిస్తున్నాడని గతంలో వార్తలు వచ్చాయి. కానీ క్రియేటివ్ డిఫరెన్సెస్ వల్ల నీలకంఠ ఈ సినిమా నుండి తప్పుకున్నాడట. ప్రస్తుతం ఆ సినిమాను జీవిత డైరెక్ట్ చేయనుందని వినిపిస్తుంది.
ఇప్పటి వరకు రాజశేఖర్ హీరోగా వచ్చిన శేషు, ఎవడైతే నాకేంటి, సత్యమేవ జయతే సినిమాలకు జీవిత దర్శకత్వం వహించింది. ప్రస్తుతం ఈ సినిమాను డైరెక్ట్ చేయనుందని వినిపిస్తుంది. ఇప్పటికైతే అధికారిక ప్రకటన రాకపోయినప్పటీకీ, మరికొద్ది రోజుల్లో వెల్లడి చేసి, వచ్చే నెలలో షూటింగ్ మొదలెట్టనున్నారట. రాజశేఖర్ గారు ఇటీవలే కరోనా వైరస్ బారిన పడి కోలుకున్న సంగతి తెలిసిందే.
