నాగ్ అశ్విన్ దర్శకత్వంలో పాన్ ఇండియా హీరో ప్రభాస్ నటిస్తోన్న తాజా చిత్రం కల్కి 2898 ఏడీ .ఈ సైన్స్ ఫిక్షన్ అండ్ యాక్షన్ మూవీపై ప్రపంచవ్యాప్తంగా భారీ అంచనాలు నెలకొన్నాయి. హాలీవుడ్ రేంజ్ లో తెరెకెక్కుతున్న ఈ సినిమా కోసం ఆడియన్స్ కూడా ఈగర్ గా వెయిట్ చేస్తున్నారు.
తాజాగా ‘కల్కి’ సినిమా ట్రైలర్ రిలీజైంది. ఈ సినిమా ట్రైలర్ రిలీజ్ కాగా డైరెక్టర్ నాగ్ అశ్విన్ ప్రేక్షకులను ఉద్దేశించి ఇన్స్టాలో ఓ పోస్ట్ చేశారు. ‘ఈరోజును చేరుకోవడానికి చాలా సమయం పట్టింది. కానీ ఇది తెలుగు ప్రేక్షకులుగా, భారతీయులుగా, సినీ ప్రేమికులుగా మనం గర్వించేలా ఉంటుందని ఆశిస్తున్నా. మా టీమ్ మొత్తం కల్కి ప్రపంచాన్ని మీతో పంచుకోవడానికి ఎదురుచూస్తోంది’ అని నాగ్ పేర్కొన్నారు. కాగా ఈ చిత్రం లో అమితాబ్‌, కమల్‌హాసన్‌, దీపిక పదుకొణే, దిశా పటానీ ప్ర‌ధాన పాత్ర‌లు పోషిస్తున్నారు.ఇప్ప‌టికే ఈ చిత్రం నుంచి విడుదల అయిన పోస్ట‌ర్స్, గ్లింప్స్‌ల‌కు మంచి స్పందన వ‌చ్చింది.
