ఖమ్మంలో భారీ బహిరంగ సభతో ఇవాళ.. జాతీయరాజకీయాల్లో బీఆర్ఎస్ శంఖారావం పూరించనున్నారు ఆ పార్టీ అధినేత కేసీఆర్. ఇవాళ ఆ నగరంలో జరగనున్న సభకు గులాబీదళం కనీవిని ఎరుగనిరీతిలో ఏర్పాట్లు చేసింది. ఈ సభకు జాతీయనేతలు వస్తున్న నేపథ్యంలో పటిష్ఠ భద్రతా ఏర్పాట్లు చేసింది.
నిన్న సాయంత్రం రాష్ట్రానికి చేరుకున్న జాతీయ నేతలు.. ఇవాళ ఉదయం తాము బస చేసిన చోటునుంచి ప్రగతి భవన్కు వెళ్లారు. అక్కడ కేసీఆర్ ఏర్పాటు చేసిన అల్పాహార విందులో పాల్గొన్నారు. ఈ విందు అనంతరం కేసీఆర్.. జాతీయ నేతలకు బీఆర్ఎస్ పార్టీ ఏర్పాటు ఆవశ్యకతను వివరించారు. అనంతరం వారంతా కలిసి ప్రగతిభవన్ నుంచి బేగంపేట విమానాశ్రయానికి వెళ్లారు. అక్కడి నుంచి జాతీయ నేతలతో కలిసి కేసీఆర్ యాదాద్రికి బయలుదేరారు.
