తిరుమల శ్రీవారిని కుటుంబసమేతంగా దర్శించుకున్న కేజ్రీవాల్

ఢిల్లీ మాజీ సీఎం, ఆమ్ ఆద్మీ పార్టీ అధినేత కేజ్రీవాల్ గురువారం ఉదయం కుటుంబసమేతంగా తిరుమల శ్రీవారిని దర్శించుకున్నారు. పెద్దగా హడావుడి ఏమీ లేకుండా తన భార్యతో కలిసి ఆయన స్వామి వారి దర్శనానికి వెళ్లారు.టీటీడీ అధికారులు దగ్గరుండి స్వామి దర్శనంతో పాటు తీర్థప్రసాదాలు అందేజేశారు.

అనంతరం ఆలయ ప్రాంగణంలో కేజ్రీవాల్ మీడియాతో మాట్లాడుతూ..దేశప్రజల అందరూ బాగుండాలని దేవుడిని కోరుకున్నట్లు పేర్కొన్నారు. నవంబర్ 14 చిల్డ్రన్స్ డే సందర్భంగా పిల్లలు బాగా చదువుకోవాలని,వారికి మంచి జరగాలని కోరుకున్నారు. ఇదిలాఉండగా,వచ్చే ఏడాది జనవరిలో జరిగే ఢిల్లీ అసెంబ్లీ ఎన్నికల కోసం కేజ్రీవాల్ సన్నద్ధమవుతున్నట్లు తెలుస్తోంది. కాగా, ఇటీవలే ఆయన లిక్కర్ స్కాం కేసు నుంచి బెయిల్ లభించడంతో తిహార్ జైలు నుంచి విడుదలయ్యారు.

తిరుమల శ్రీవారిని కుటుంబసమేతంగా దర్శించుకున్న ఢిల్లీ మాజీ సీఎం @ArvindKejriwal #ttd pic.twitter.com/oWujdUxuwr

— greatandhra (@greatandhranews) November 14, 2024