గ్రేటర్ …కేటీఆర్

గ్రేటర్ హైదరాబాద్‌ పరిధిలో మంత్రి కేటీఆర్ ఎన్నికల ప్రచారంలో దూసుకెళ్తున్నారు. తెలంగాణ మరింత అభివృద్ధి చెందాలంటే తెరాస మరోసారి అధికారంలోకి రావాలనే నినాదంతో అటు కేసీఆర్ ఇటు కేటీఆర్ అభ్యర్థులకు దిశానిర్దేశం చేస్తూ ఎన్నికల ప్రచారంలో మరింత వేగం పెంచారు. ఇందులో భాగంగా.. నవంబరు 22న ప్రారంభమైన కేటీఆర్ రోడ్‌షో ఉప్పల్, కంటోన్మెంట్, మహేశ్వరం, ఎల్బీనగర్, సనత్ నగర్, జూబ్లీహిల్స్ నియోజకవర్గాల పరిధిలో విజయవంతంగా కొనసాగించారు. అదే విధంగా నేడు.. సోమవారం గోషామహల్, ఖైరతాబాద్ నియోజకవర్గాల అభ్యర్థులు ప్రేమ్ రాథోడ్, దానం నాగేందర్ విజయం మంత్రి కేటీఆర్ ప్రచారం నిర్వహించనున్నారు. కేటీఆర్ రాకతో ఆయా నియోజకవర్గా ప్రజలు, తెరాస శ్రేణులు అత్యంత ఉత్సాహంతో గెలుపు ధీమా వ్యక్తం చేస్తున్నారు.
షెడ్యూలు వివరాలు..
ఖైరతాబాద్ నియోజకవర్గంలో మధ్యాహ్నం 3.45 గంటలకు స్థానిక అభ్యర్థి దానం నాగేందర్‌తో కలిసి మంత్రి కేటీఆర్ రోడ్ షోలో పాల్గొంటారు. ఆతర్వాత సోమాజిగూడ రాజీవ్ గాంధీ సర్కిల్ వద్ద ప్రజలను ఉద్దేశించి మంత్రి కేటీఆర్ తాము చేసిన అభివృద్ధి కార్యక్రమాల గురించి వివరిస్తారు. అనంతరం గోషామహల్ నియోజకవర్గ పరిధిలో రోడ్ షో నిర్వహించి ప్రసంగిస్తారు. సాయంత్రం 6 గంటల సమయంలో గౌలిగూడకు చేరుకొని స్థానిక అభ్యర్థి ప్రేమ్‌సింగ్ రాథోడ్‌తో కలిసి కేటీఆర్ ఎన్నికల ప్రచారం నిర్వహించనున్నారు.