నెల్లూరు రూరల్ పరిధిలోని ప్రగతి నగర్ లో దోమల పై దండయాత్ర కార్యక్రమంలో పాల్గొన్నారు ఎమ్మెల్యే కోటంరెడ్డి శ్రీధర్ రెడ్డి తదితర పార్టీ నేతలు. మురికి నీటిగుంటలో ఆయిల్ బాల్స్ వేసి మందును స్ప్రే చేసారు శ్రీధర్ రెడ్డి. ఈ సందర్భంగా ఆయన మాట్లాడుతూ.. నెల్లూరు రూరల్ పరిధిలో పలువురు దోమల వల్ల ఇబ్బందులు పడుతున్నారు. అనారోగ్యానికి గురవుతూ ఆసుపత్రులకు లక్షలు వెచ్చించాల్సి వస్తోంది. కాబట్టి దోమలను నిర్మూలించేందుకు అధికారులు.. ప్రజలను భాగస్వామ్యం చేసేందుకే ఈ కార్యక్రమం చేపట్టాం.
అలాగే త్వరలోనే నీటి గుంటలలో గంబోషియా చేపలను కూడా వదులుతాం. అయితే దోమల నిర్మూలనకు అధికారులు ప్రత్యేక దృష్టి పెట్టాలి.. దీనికే ప్రాధాన్యం ఇవ్వాలి. అన్ని డివిజన్ లలో కూడా ఈ కార్యక్రమాన్ని నిర్వహిస్తాం. ఇక నగరపాలక సంస్థలో పారిశుద్ధ సిబ్బంది తక్కువ ఉన్నారు. అందువల్ల అదనపు సిబ్బంది నియామకం పై మంత్రి నారాయణ చొరవ తీసుకోవాలి. ప్రస్తుతం రెండే ఫాగింగ్ మిషన్లు ఉన్నాయి.. కాబట్టి మరిన్ని తెప్పించాలి అని కోరారు ఎమ్మెల్యే కోటంరెడ్డి.
